Виталий Агапов кәе, Мирһади Разов сүзләре
Тамчы гөлем, яран гөлем,
Өебез бакча төсле.
Үзем үстерәм иркәләп,
Чәчәкләре хуш исле.
Кушымта:
Әй, гөлләрем, гөлкәйләрем,
Яратыр идем кочып,
Уйнар идем арагызда,
Күбәләк булып очып.
Кояшка таба үрелә
Тәрәзәдән гөлләрем,
Сулар сипсәм, сөенәләр,
Беләм гөлләр телләрен.
Кушымта:
Әй, гөлләрем, гөлкәйләрем,
Яратыр идем кочып,
Уйнар идем арагызда,
Күбәләк булып очып.
Әниемнең, әтиемнең
Көтәм туган көннәрен,
Бүләк булып чәчәк аткан
Минем матур гөлләрем.
Кушымта:
Әй, гөлләрем, гөлкәйләрем,
Яратыр идем кочып,
Уйнар идем арагызда,
Күбәләк булып очып.
|
