Виталий Агапов көе, Нәбирә Гыйматдинова сүзләре
Батыр юллары әллә такырмы,
Әллә күктән йолдыз явамы?
Күзләреңә әгәр бер карасам,
Йөрәккәең синең янамы?
Кушымта:
Сер төенен чишәм, чишәм, дисең,
Серемнең юк сиңа чишәсе.
Күңелемнән челтрәп-челтрәп ага
Рәшит-Сәет халык чишмәсе.
Әйдә кил син, әйдә бергә үтик
Шул чишмәнең яшел буйларыннан.
Бер иелеп әгәр суын эчсәң,
Чыкмас ул синең уйларыңнан.
Кушымта.
Кара син, күктә күпме йолдыз,
Көмеш ай алар арасында.
Кайтырмын кабат Батырыма,
Чишмәләре әгәр чакырса.
Кушымта.
