Виталий Агапов көе, Гөлшат Зәйнашева сүзләре
Иделе киң, диңгезгә тиң,
Ямьле безнең туган ягыбыз.
Башка бер ил кирәк түгел,
Шунда үтсен тормыш юлыбыз.
Кушымта:
И туган як, газиз туган як,
Бишегемә былбыл кунган як.
Сандугачлар белән сайрашып,
Сабый чагым узган як.
Туган як дип сагынып кайта,
Язлар җиткәч, сайрар кошлары.
Язлар матур, җәйләр ямьле,
Чыныктыра салкын кышлары.
Кушымта:
И туган як, газиз туган як,
Бишегемә былбыл кунган як.
Сандугачлар белән сайрашып,
Сабый чагым узган як.
Ярсулы безнең йөрәкләр,
Без үсәбез катлаулы чорда.
Яшь йөрәгең белән ярсып,
Илне сөйсәң, кушыл бу җырга.
Кушымта:
И туган як, газиз туган як,
Бишегемә былбыл кунган як.
Сандугачлар белән сайрашып,
Сабый чагым узган як.
