Виталий Агапов көе, Ратмир Әхияров сүзләре

Авылыма ак бәхетләр юрап,

Ява кышның ап-ак карлары.

Айлы урамнарын кайтыйм урап -

Сагындырды гармун моңнары.

  Акбулатым - туган авылым,

  Сине саг(ы)нып яшим мин һаман.

  Еллар аша сиңа кабат кайтам,

  Хыялымда гына булса да.

Гөрләвекләр белән язлар килде -

Ак чәчәккә чумды муеллар.

Гом(е)рем буе истән чыкмас инде,

Яшьлегемдә кичке уеннар...

Җәйге таңда чыклы үзәннәрдән

Күтәрелә ап-ак томаннар.

Көт, авылым, тиздән кайтырмын мин,

Сезне саг(ы)нып, дуслар, туганнар!

Речитатив:

Олы юлга алып чыкты мине

Авылымның гади сукмагы.

Еллар узгач, күпме юллар урап,

Саг(ы)нып кайттым сине мин тагын...