Виталий Агапов көе, Радик Хәкимҗанов сүзләре
Тормыш дигән алан - чиксез,
Күренми очы-кыры,
Бәхеткәйне эзләгәндә,
Юллар юк шул туп-туры.
Кушымта:
Көннәр, айлар, еллар уза,
Бураннарда, давылда.
Тормыш шулай, гел юл ярып,
Туры килә барырга.
Тормыш дигән диңгез - тирән,
Сулары әче, тозлы.
Тормыш диңгезен кичәбез,
Ерып карларны, бозны.
Кушымта:
Көннәр, айлар, еллар уза,
Бураннарда, давылда.
Тормыш шулай, гел юл ярып,
Туры килә барырга.
Тормыш дигән таулар - биек,
Түбәләре бик текә.
Диңгез кичеп, тауга үрләп,
Гомерләр үтеп китә!
Кушымта:
Көннәр, айлар, еллар уза,
Бураннарда, давылда.
Тормыш шулай, гел юл ярып,
Туры килә барырга.
|
