Виталий Агапов кәе, Нәкыя Йосыпова сүзләре
Күңелемдә уйный язгы ташу,
Кар сулары эреп акканда.
Барам шулчак ялгыз урманнарга,
Умырзая чәчәк атканда.
Кушымта:
Рәнҗемәсләр, өзгән өчен, миңа,
Һәркайсына сине сөйләдем.
Сөйгәнемә барып җитсен, диеп,
Аккан суга чәчәк сибәмен.
Су өстендә чәчәк бәйләмнәре,
Ядкарь булып калдык, диярме?
Вәгъдәләрне җуйдык анда, диеп,
Сөя күрмә башка берәүне.
Кушымта:
Рәнҗемәсләр, өзгән өчен, миңа,
Һәркайсына сине сөйләдем.
Сөйгәнемә барып җитсен, диеп,
Аккан суга чәчәк сибәмен.
Аерылды язмыш, бозлар кебек,
Умырзая чәчәк атканда.
Тынгы тапмый ярсу йөрәккәем,
Йолдыз батып, таңнар атса да.
Кушымта:
Рәнҗемәсләр, өзгән өчен, миңа,
Һәркайсына сине сөйләдем.
Сөйгәнемә барып җитсен, диеп,
Аккан суга чәчәк сибәмен. | 
