Виталий Агапов көе, Галиәхмәт Шаһи сүзләре
Сиңа атап күпме җырлар яздым,
Кушып кайнар йөрәк хисләрен.
Бер җырың да миңа түгел, дигән
Сүзләреңнән әллә нишләдем.
Кушымта:
Сиңа атап язган җырларымны
Йолдыз итеп чөйдем һавага.
Кулларыма серле чәчәк сузды
Урмандагы ялгыз абага.
Сиңа атап күпме җырлар яздым,
Тик син башка җырлар җырладың.
Күңелемнең сүрелгәнен белгәч,
Мине гаеп итеп еладың.
Кушымта:
Сиңа атап язган җырларымны
Йолдыз итеп чөйдем һавага.
Кулларыма серле чәчәк сузды
Урмандагы ялгыз абага.
Сиңа атап җырлар язмыйм инде,
Барысы да калды үткәндә.
Син минеке, мин синеке түгел,
Күңелләрем хәзер бүтәндә.
Кушымта:
Сиңа атап язган җырларымны
Йолдыз итеп чөйдем һавага.
Кулларыма серле чәчәк сузды
Урмандагы ялгыз абага.
