Виталий Агапов көе, Флера Тарханова сүзләре
Син югалтсаң мине бөтенләйгә,
Күзләреңдә сүнәр чаткылар.
Йөрәгеңә төшәр бозлы сагыш,
Сүзләреңә иңәр ачы зар.
Син югалтсаң мине бөтенләйгә,
Сыкрый-сыкрый үләр бар дөньяң:
Ялкын өсти-өсти яшәтергә
Яннарыңда инде мин булмам.
Син югалтсаң мине бөтенләйгә,
Бәхет килер димә кабаттан:
Бер мин генә идем, бер мин генә
Синдә җырлы таң булып аткан. | 
