Виталий Агапов көе, Галиәхмәт Шаһи сүзләре
Таш калада җилгә ялынам,
Алып кил, дип, чәчәк исләрен.
Мин аларны шундый сагынам,
Исләреннән таныйм төсләрен.
Кушымта:
Янган йөрәгемә ялынам,
Янма, әйләнәсең күмергә.
Авылымны шундый сагынам,
Ничек кенә кайтып килергә.
Яңгыр болытына ялынам,
Сафландырып үт, дип, һаваны.
Чишмә челтерәвен сагынам,
Анда безнең яшьлек дәвамы.
Кушымта:
Янган йөрәгемә ялынам,
Янма, әйләнәсең күмергә.
Авылымны шундый сагынам,
Ничек кенә кайтып килергә.
Һавадагы кошка ялынам,
Әйтче, кайда сөйгән ярым, дип,
Мин аны бит шундый сагынам,
Кай тарафка эзләп барыйм, дип.
Кушымта:
Янган йөрәгемә ялынам,
Янма, әйләнәсең күмергә.
Авылымны шундый сагынам,
Ничек кенә кайтып килергә.
|
