Виталий Агапов көе, Гөлфизә Латыйпова сүзләре
Синең күзләрең төсле, дип,
Күк чәчәк биргән идең.
Күл буйларын яңгыратып,
Елмаеп көлгән идең.
Кушымта:
Язлар саен күл буена
Киләм чәчәк өзәргә.
Күктә йолдыз, ә мин ялгыз,
Белмим, ничек түзәргә.
Иртән көтәм, кич тә көтәм,
Чыкмыйсың юлларыма.
Көнгә баккан күк чәчәкләр
Шиңделәр кулларымда.
Кушымта.
Очырдым аны җилләргә,
Югалды зәңгәр канат.
Зәңгәр күлдә зәңгәр күзләр
Очрашмадылар кабат.
Кушымта.
Су өсләре дулкын-дулкын,
Үреп салдым такыя.
Киткән юлларына карап,
Зәңгәр күзләр яшь коя.
Кушымта. |
