Виталий Агапов көе, билгесез автор сүзләре
Тормыш юлын бергә үтәр өчен,
Мәңгелек яр, юлдаш, пар кирәк.
Ялгызлыкка түзми әрнеп яна,
Ялгыз яна яралы йөрәк.
Кушымта:
Сөймим, дидең, сине,
Кичер, дидең, мине,
Оныт, дидең, мине уйлама.
Мин һаман да ялгыз,
Онытмадым сине,
Килер булсаң, иркәм, соңлама.
Бар терекне җирдә пар яраткан,
Яшәр өчен икәү бергәләп.
Нигә ташлап ялгыз иттең,
Йөрәгемне минем телгәләп.
Кушымта.
Еллар үткән саен, төзәлми шул,
Тирәнәя генә яралар.
Үткәннәргә кайтып кавышырга
Ерагайган инде аралар.
Кушымта. |
