|
|
 |
Опрос
Проголосовало: 2405
| | | |
|
Аралар суынмасын
Виталий Агапов көе, Гөлнур Вәлиева сүзләре
Гөлләрем чәчәк аттылар,
Дөньяга ямь таратып.
Шатлык яшьләрем тамдылар,
Яннарыма син кайттың.
Кушымта:
Кояшлы булсын көнебез,
Аралар суынмасын.
Дөрләп кабынган хисебез
Чәчкәдәй тиз сулмасын.
Суздың миңа кулларыңны,
Чәчләремә кагылдың,
Тараттың яман уйларны,
Хыялларны яңарттың.
Кушымта:
Кояшлы булсын көнебез,
Аралар суынмасын.
Дөрләп кабынган хисебез
Чәчкәдәй тиз сулмасын.
Бергә үтик тормыш юлын,
Җил-давылда адашмыйча.
Сөюебез олы булсын,
Ваклыкларга карамыйча.
Кушымта:
Кояшлы булсын көнебез,
Аралар суынмасын.
Дөрләп кабынган хисебез
Чәчкәдәй тиз сулмасын.
|
|
|
