|
|
 |
Опрос
Проголосовало: 2405
| | | |
|
Җырларымда яшим
Виталий Агапов көе, Галиәхмәт Шаһи сүзләре
Урман төшкән сагышларга,
Көзнең сулышын тоеп.
Усак җиргә келәм җәйгән,
Төсле яфраклар коеп.
Кушымта:
Кайчан сугар, кайда сугар
Йөрәгемдәге яшен?
Бу дөньяда бер яшәсәм,
Җырларымда мең яшим.
Каен белән өрәңге дә
Сары ялкын эчендә.
Сирин яфраклары гына
Җәйдәге үз төсендә.
Кушымта.
Вакыт җиткәч, көзләр килә,
Куеп булмый киртәләр.
Ачы җилләр туган якны
Көзгә куып кертәләр.
Кушымта.
Күңелемә алтын көзләр
Шигъри илһамын сала.
Йөрәгемнең бер кисәге
Үткән җәйләрдә кала.
Кушымта. |
|
|
