Виталий Агапов көе, Резидә Вәлиева сүзләре
Чигә чәчләрем агарды,
Ак шәлләр ябынганга.
Ак шәл ябынганга түгел,
Иркәмне сагынганга.
Кушымта:
Киткән чакта, кайтырмын, дип,
Вәгъдәләр бирде иркәм.
Вәгъдәләрен онытырлык
Ни хәлләр булды икән?
Башымдагы ак шәлемне
Алыштырдым карага.
Чакрымнарга салалмаслык
Юллар ятты арага.
Кушымта:
Киткән чакта, кайтырмын, дип,
Вәгъдәләр бирде иркәм.
Вәгъдәләрен онытырлык
Ни хәлләр булды икән?
Башымдагы шәлләремнең
Карасы уңса иде.
Озын юлларның азагы
Кавышу булса иде.
Кушымта:
Киткән чакта, кайтырмын, дип,
Вәгъдәләр бирде иркәм.
Вәгъдәләрен онытырлык
Ни хәлләр булды икән? |
