Виталий Агапов көе һәм сүзләре
Яшьлеккәем узып артта калды,
Борылсам да күренми инде.
Соңлап кына өзгән төнбоеклар
Йөрәккә дәва булмас инде.
Кушымта:
Төнбоеклар, ялгыз төнбоеклар,
Җырларымны сезгә җырлыйм мин.
Төнбоеклар, ялгыз төнбоеклар,
Серләремне сезгә сөйлим мин.
Яшьлек үтте эндәшмичә никтер,
Юл чатында калдым моңаеп.
Төнбоеклар белән бергә килде
Мәхәббәтем миңа соңарып.
Кушымта:
Төнбоеклар, ялгыз төнбоеклар,
Җырларымны сезгә җырлыйм мин.
Төнбоеклар, ялгыз төнбоеклар,
Серләремне сезгә сөйлим мин.
Төнбоеклар, газиз чәчкәләрем,
Серләремне сезгә сөйлимме?
Яшьлегемә кире кайта алмыйм,
Мәхәббәтем белән китимме?
Кушымта:
Төнбоеклар, ялгыз төнбоеклар,
Җырларымны сезгә җырлыйм мин.
Төнбоеклар, ялгыз төнбоеклар,
Серләремне сезгә сөйлим мин.
|