Мәхәббәт язлары / Җырларым дусларыма / Моё творчество / Виталий Агапов

Виталий Агапов көе һәм сүзләре

Туган җиргә язлар кайта,

Гөрләвекләр шаулатып.

Сыерчыклар җырлар җырлый,

Күңелләрне дулатып.

Кушымта:

Моңсу күзләрең тутырып,

Нигә миңа карадың?

Мәхәббәт укларын минем

Йөрәгемә кададың.

Туган җиргә язлар кайта,

Сиреньнәр чәчкә атып.

Аккошлар кайтырлар микән,

Синнән сәламнәр алып?

Кушымта:

Сирень чәчкәләрен өзеп,

Мин сине көтәм, иркәм.

Сине сагынып көткәнемне,

Җаным, беләсең микән?

Туган җиргә язлар кайта,

Нигә кайтмыйсың, иркәм?

Йөрәгемә утлар салдың,

Сине һәр көнне көтәм.

Кушымта:

Эх, шауласын мәхәббәтем,

Йөрәгем янсын әле!

Йөрәгем янганын, иркәм,

Син дә сизәрсең әле!