Виталий Агапов көе, Әсхар Кәшфуллин сүзләре
Әти кеше, гомер көзләреңдә
Ялгыз калдың, ялгыз, берүзең.
Улларың да килеп хәлең белми,
Юылмаган күптән тәрәзең.
Кушымта:
Салкын өйдә сары сагышлары
Тормасыннар җанын телгәләп.
Тормасыннар җанын өзгәлән,
Онытмагыз ялгыз әтиләрне.
Онытканнар газизләрең сине,
Балаларың дөнья куалар.
Күзләреңнән синең яшьләр тама,
Ерылгандай язгы буалар.
Кушымта.
Салкын җилдән ачык ишек елый,
Шыгыр-шыгыр килеп ала ул.
Ишетмиләр сине, кычкырсаң да,-
Кычкырсаң да ярсып «каравыл».
Кушымта.
Мәхәббәтең инде гүр иясе,
Уятмыйсың күптән син үбеп.
Ялгыз калгач, син бит үзең дә
Сүнеп барган сукыр ут кебек.
Кушымта. | 
