Виталий Агапов көе, Зөлфия Нигманова сүзләре
Ялгыз ана. Картлар йортында...
Өмет чаткылары сүнмәгән.
Җан учагын кабызыр утның
Ерак киткәнлеген сизмәгән.
Кушымта:
Әйтә алмады соңгы сүзләрен,
Бик еракта улы, кызлары.
Ялгыз ана картлар йортында...
Язмыш мәрхәмәтен кызганды.
Балаларга биреп барлыгын,
Кеше булсыннар, дип тырышкан.
Бар байлыгы - көмеш чәчләре...
Бәхет тойды микән тормыштан?
Кушымта.
Яклаучым булыр, дип үстерде,
Тормыш дәрьяларын кичкәндә,
Газиз улы салды башкаен
Хәтәр уен - ерак Чәчәндә.
Кушымта.
Ике кызын - ике йолдызын
Очырды шул ерак якларга.
Изге хыял утын, өметен
Насыйп иткән Ходай ятларга.
Кушымта. | 
