Виталий Агапов көе, Галиәхмәт Шаһи сүзләре
Таң ата да, көн дә кояш чыга,
Керфекләрен ачып, елмаеп.
Саба җиле чык суларын түгә,
Соңгы йолдыз сүнә моңаеп.
Кушымта:
Кабатланмас, кире кайтмас инде
Янып торган егет чакларым.
Ерак болыннарда кешнәп йөри
Хатирәләр - тулпар атларым.
Дөнья шундый итеп яратылган:
Берәү сула, берәү бөредә.
Яшьлек язым гүя кичә генә
Чәчәк аткан иде биредә.
Кушымта:
Кабатланмас, кире кайтмас инде
Янып торган егет чакларым.
Ерак болыннарда кешнәп йөри
Хатирәләр - тулпар атларым.
Бүген исә әрем генә үсә,
Чәчәкләрнең эзе күренми.
Әнә яшьлегемнең сукмаклары,
Сукмагы бар, үзе күренми.
Кушымта:
Кабатланмас, кире кайтмас инде
Янып торган егет чакларым.
Ерак болыннарда кешнәп йөри
Хатирәләр - тулпар атларым. | 
