|
|
 |
Опрос
Проголосовало: 2405
| | | |
|
Мәхәббәт яңгырлары
Виталий Агапов көе, Мирһади Разов сүзләре
Башланды җирне яшәртеп
Мәхәббәт яңгырлары,
Җыр булып кайта күңелнең
Яшьлектә калдырганы.
Кушымта:
Әй, сөю, синнән китимме,
Гомергә калыргамы?
Җәй буйлап шатлык өләшә
Мәхәббәт яңгырлары.
Хисләрем кайта, болында
Чәчәкләр яшәргәндә.
Аһ, сөйгән яр, тоямын
Карашың яшеннәрдә.
Кушымта.
Чыңлаган көмеш тавышың
Ишетәм тамчыларда.
Онытылмый икән саф сөю,
Йөрәктә һаман бар да.
Кушымта.
Иркәли мине яңгырлар,
Уйлата матур уйны.
Кабаттан туам шикелле:
Җанымда серле тойгы.
Кушымта. |
|
|
