|
|
 |
Опрос
Проголосовало: 2399
| | | |
|
Көзге туйлар
Виталий Агапов кәе, Рәис Гыймадиев сүзләре
Кошлар сайраудан туктагач,
Алтын көзләр дә җитә.
Якынайган көзге туйлар,
Кыз күңелен җилкетә.
Кушымта:
Вәгъдәләр инде бирешкән,
Алынылган бирнәләр.
Кызлы өйләр тирәсендә
Яучылар күренәләр...
Шаулатып көзге авылны,
Каз өмәләре үтте.
Көмеш кыңгырау чыңлатып,
Кавышыр көннәр җитте.
Кушымта:
Вәгъдәләр инде бирешкән,
Алынылган бирнәләр.
Кызлы өйләр тирәсендә
Яучылар күренәләр...
Ак мунчаның идәненә
Каз мамыгы сибелгән.
Өмәче кыз киләчәге
Яшь егеткә бәйләнгән.
Кушымта:
Вәгъдәләр инде бирешкән,
Алынылган бирнәләр.
Кызлы өйләр тирәсендә
Яучылар күренәләр...
|
|
|
