Виталий Агапов көе, Нәҗип Мәдияров сүзләре
Уйна, дустым, гармуныңны,
Бер җырлап алыйк әле.
Күңелдәге кайгы-зарны
Утларга ягыйк әле.
Кушымта:
Их, гармуның, гармуныңның
Телләре җырлый биеп.
Уйнамасак, җырламасак,
Без нихәл итәр идек.
Уйна, уйна, сыздыр, әйдә,
Белмә син тукталуны.
Без генә түгел, беркем дә
Белмәсен уфтануны.
Кушымта.
Уянсын Шатлыкларыбыз,
Балкытып йөзебезне.
Без бит җыр белән көчлерәк
Сизәбез үзебезне.
Кушымта.
Уйна, дустым, сузып-сузып,
Уңай булсын җырларга.
Уйнап-көлеп, җырлап-биеп,
Яшик әле дөньяда! |
