26 апреля 1993 г.
Зәй шәһәренең хакимият бинасы алдында зур җанлылык. Бүген монда «Татар моңы - 93» бәйгесе була.Мондый бәйге беренче мәртәбә 1989 елда үткәрелгән иде, һәм инде традициягә әверелеп, хәзер ел саен үткәрелә башлады. Ел саен ул күңелдә матур – матур сәхифәләр калдыра.
26 апрельдә – татар халкының сөекле шагыйре Г.Тукай туган көнгә багышлап үткәрелгән җыр бәйрәменә быел да районыбызның төрле төбәкләреннән сәнгать осталары җыелган. Рәхим итегез, кадерле дуслар. Көннән – көн катлаулана барган матди яшәү шартларына карамастан, йөрәкләребездә җыр – моңга тартылу сүрелмәгән әле. «Октябрь» Мәдәният сараенда ремонт булу сәбәпле, бәйге хакимият бинасы залында булды. Мондый шартларда сәхнәне хәтердә калырлык, үзенә җәлеп итәрлек итеп бизәп булмый, билгеле, җырчыларны да җырга илһамландыра дип әйтеп булмый. Концертны үзе язган җырларын башкарып Сәвәләй авылыннан Виталий Агапов тәмамлады.
«Зәй офыклары» 29 апрель,1993 ел.
